Cerita cinta bahasa dayak ngaju.

Al-kisah tege uluh bawi bahalap. ie te pacaran dengan hatue je dia bahalap kalakua. Kueh je mihup,babusau,galandas taluh je pacar ah te nah. Aran bawi te nah Wiwi, tame uluh je tangkahalap kia melai lewu. Are hatue je handak denga. Tapi mbuhen kah ie sanga maku pacaran dengan hatue je kute ampi. Uluh bakas Wiwi tuh dia satuju nampayah anak ah pacaran dengan hatue je dia kasenan. Maka bara jite lembut niat uluh bakas ah handak manjodoh anak ah dengan hatue je harati. je ulih ewen parcaya tau mahaga Wiwi. Pander ih uluh bakas Wiwi dengan Wiwi.
Uluh bakas: u wi , ikey handak manjodoh ikau dengan hatue je harati, anak uluh lewu sila.
Wiwi: dia aku pang, tege pacarku jadi.
Uluh bakas: ikey dia parcaya dengan pacarmuh je galandas jite. Keleh mun uli mampasanang ikau belum.
Wiwi: mana ih. Je penting aku cinta denga.
Uluh bakas:nah malawan anak jituh . Tumun dia , mun dia ela anggap ikey uluh bakas mu nday.
Wiwi: Kuy kapurunmu pang. nau ih mun puna kahandakmuh kute.
Balalu hadari ih Wiwi bara huma sambil tungu-tungui manangis.
"Uu wi" tehau indue dia tahu-tahu ih ie bajujuan hadari. sampai hung huma pacarah salenga balalu seke tahaseng ah nampayah pacara tuh pangku-pangkut dengan uluh bawi melai hunjun bangku. parak atei je pehe ie hamauh dengan pacarah je lagih asik dengan uluh bawi beken.
Wiwi: akay kapurum yang. Kalutuh lah ampim mahianat aku.
Pacarah: eh yang pea ikau dumah. Anu yang kawal ku ih tunah.
Wiwi: leha kawal nyamah pangku-pangkut kute ampi.
Pacarah: tiwas yoh. ikau dia maku bahut mun aku handak mangkut ikau.
Wiwi: boh. Je kue nah haru pacaran ih. Hindai kare kawin. Kareh mun jadi kawin haru kue hapangkut hasium kare narai.
Pacarah: dia sanggup aku yang. Aku butuh kia je bagare belaian kehangatan biti uluh bawi. diausah nyamah kare kawin helu.
Wiwi: yoh ih mun kute. Takan gau uluh bawi je tau ikau mangkut
  nyium ah skahandakmuh. Hubungan kue jadi sampai hetuh ih.
Limbah hamauh kute balalu buhau ih wiwi malihi pacar ah te. Mias angat ah kapehe atei wiwi. Angat handak pusit usuk ah. Hancur nihau harapa je gantung ah katahin tuh dengan hatue jite. Padang kahancur atei buli ie ka huma balalu pander dengan uluh bakas ah.
Wiwi: yoh bei pang. Handak ih aku njodohmuh dengan hatue je
           milihmuh.
Uluh bakas: syukur ih mun kute nak. ikau maku tumun auh kuh.
ihat wiwi ih je hakun njodoh uluh bakas ah. Dari pada ie handak mampahanjak uluh bakas a ih. Padahal melai atei ah puna handak dia parcaya nday ih dengan bagare ara cinta. Melai atei ah te kosong bara cita2 dan harapan . Singkat kesah sampai kia andau parnikahan ah. Hatue je denga kawin te lumayan bakena mbaste pintar ulu. Lulusan S2. tatau hindai. Tapi tatap ih wiwi mangule nampayah ah. Awi ie masih pehe atei ah dan sabujura kia ie te masih sayang kia dengan pacara je helu. Hatue je kawin dengan wiwi tuh ara Heri. Heri tuh gin dia handak sabujurah kawin awi ie handak nyambung kuliah. Tapi gawi uluh bakas ah maksa ie kawin paksa ih ie maku.  Sampai akhirah malam pertama. Munduk habambai Heri dengan Wiwi melai hunjun ranjang. Heri awi mengkeme jadi sawa nah imbinga ih lenge Wiwi. Tapi balu nakis wiwi lengeah. Pander ih Heri.
Heri: mbua nah ikau nakis lengengkuh.
Wiwi: (dia numbah)
Heri: suman akangkuh mun ikau tege masalah. mikeh aku tau ndohop.
Wiwi: tawam nah , aku nah tapaksa ih kawin dengam.
Heri: buhen henah?
Wiwi: awi uluh bakas kuh maksa aku ih.
Heri: (benyem)
Wiwi: jadi aku laku dohop dengam ikau ela manggatuk aku. Barangai ih
          aku kare bamasak barapi akam tapi ije ih laku kuh ikau ela
          manggatuk aku awi aku dia cinta dengam.
Mahining auh te kejau je singi Heri tapi malah senyum ie . "Yu tiruh nday" kuan heri balu menter  manalikut wiwi. Wiwi je nampayah heri menter  balu menter kia ie sampai tatiruh. metuh jadi hanjewu andau misik wiwi hingkat barapi. ewen due ih melai huma awi limbah pesta melai huma wiwi. Balalu ih ewendue guang huma heri. Limbah nanggar ketel bapenyau wiwi. Dia tahi hingkat kia heri mangguang wiwi melai dapur. Sana gitan heri talu penyau wiwi je are nah lalu munduk kia heri mandohop  wiwi bapenyau. Balalu jeleng ih lepah talu penyau te awi badue manggawi. Mbaste bamasak wiwi. Pas masak balut ah jadi. Kuman ewendue hayak. Kute ih ba anda-andau ewen due. Apabila heri dia deroh ndohopah wiwi bamasak kare bapenyau.  Sakatahin te kia heri dia puji masih manggatuk wiwi. maka heri tu nah tau dengan wiwi. Dia puji bapander kasar dengan wiwi. Baju gin pukan kabuat ih. Mun handak mihup danum nampa kabuat ih. Dia puji ie kare manyuhu2 Wiwi. Mun tege rajaki biarpun isut pasti nenga akan wiwi belah ah. Santar senyum ih mun hataharep dengan wiwi. Jarang nampayah tau kare marangut manceleng. Tapi wiwi tatap ih biasa2 ih denga. Heri gin dia kia handak kare tekap2 dengan wiwi awi wiwi je dia handak
au hagatuk denga. sampai satu ketika wiwi lagih manyadai pakaian. Dia sengaja takijak kiwak kasa. Badaha ih pai. "Akay,akay" kuan wiwi. Mahining te balua heri kan petak manalih wiwi. "Buhen ikau nah" kuan heri "takijak kasa aku" kuan wiwi. payah heri badaha pain wiwi. Balalu entang heri ih wiwi ka huma. andak heri ie hong hunjun bangku. puas heri hapan kapas himang ah nusuha betadin mbaste meteng hari hapa perban. Tergugah atei wiwi nampayah ah. "mias katau dengangkuh" kua melai atei. Mbah jadi terai heri maragu himang ah isek heri ih "en , pehe lah masih" kuan heri "dia , tende jadi" kuan wiwi. "Yoh, hati2 ih hindai. Narai talu gawim endau? " aku lagih manyaidai pakaian" . "yoh bey, kareh aku ih nyadai pakaian ikau istirahat ih helu" . Mbaste balua ih heri manalih dadaian manarus gawin wiwi. Bara hete wiwi nampara tege perasaa dengan heri. Nampayaha heri bara kejau manyadai pakaian. timbul tege angat karujut atei ah nampayah heri manarus gawie. Kalute ih genep andau wiwi mangkeme perasa sasar are ka heri. Tapi ie masih hindai yakin bahwa jite cinta. Sampai satu katika wiwi te haban badarem. Menter ih ie gawi dia uli kare hingkat nanjung. Matute kia ih je heri murus ie. kare murut ie, manampa aka bubur , malap biti dan lain-lain. Hanjak angat atei wiwi nampayah kataun heri. Akhirah ie sadar bahwa ie te puna jadi cinta nday dengan heri. Melai atei ah kareh mun ie jadi keleh ie bakal jadi isteri je baik akan heri. Je santar maragu heri. Mbaste manenga kasih sayang ah akan heri. Singkat kesah keleh jadi wiwi. Uli kare hingkat nanjung nday. Tapi dia tahi limbah wiwi keleh sanga heri nday je balalu haban. Pas imbit bapariksa sakalinya penyakit ayun heri tuh kembang atei. Parah jadi kuan dokter. Hete wiwi manangis mahining bana tuh sakit parah.
Wiwi : Ka, aku laku maaf lah katahin tuh dia tau jadi
            Sawam je baik.
Heri: dia narai ih ding. aku tuh ikhlas ih jadi. baya ije
         ih laku kuh, amun ikau hasundau dengan banam
         je jeha ela ikau manyia2 ie. sayangi ie awi ie nah
         banam melai dunia tuh.
Wiwi: narai maksudmuh nah ka?
Heri: (senyum ) aku laku redamu ih katahin aku jadi
         banam.
Wiwi: iyoh ka, aku kia.
Lalu mangkut wiwi bitin heri je menter melai hunjun ranjang. Masut heri balau wiwi. Balua danum mata heri awi haru metute ih wiwi mangkut ie. Mbaste jewu ah heri malihi. Awi puna jadi parah kia penyakit ah. Manangis wiwi awi ie katahin tuh dia puji manenga kasih sayang ah akan heri. Sedangkan heri mias katau denga. Kute pang jadi bagare ara pambelum. Penyesalan santar dumah liwat ......
SEKIAN HELU PAHARI